കാസര്ഗോഡ്്: നവകേരളയാത്രയില് വി. എസ്. അച്യുതാനന്ദന് പങ്കെടുക്കുമോ ഇല്ലയോ എന്നതു പ്രശ്നമല്ലെന്നു സി.പി.എം. സംസ്ഥാനസെക്രട്ടറി പിണറായി വിജയന്. യാത്രയില് എവിടെയെങ്കിലും വി.എസ്. അച്യുതാനന്ദന് പങ്കെടുക്കുമോ എന്ന ചോദ്യത്തിനു മറുപടിയായാണ് അദ്ദേഹം ഇക്കാര്യം വ്യക്തമാക്കിയത്. നവകേരളയാത്രയുടെ രണ്ടാംദിവസം കാസര്ഗോഡ് ഗസ്റ്റ്ഹൗസില് മാധ്യമപ്രവര്ത്തകരോടു സംസാരിക്കുകയായിരുന്നു പിണറായി വിജയന്. യാത്രയില് വി.എസ്. പങ്കെടുക്കില്ല എന്ന വാര്ത്ത എന്റെ ശ്രദ്ധയില് പെട്ടിട്ടില്ല. പാര്ട്ടിയില് പറയേണ്ടതു പാര്ട്ടിയില് പറഞ്ഞിട്ടുണ്ടെന്നു വി എസ്. പറഞ്ഞതായിട്ടാണു പത്രങ്ങളില് റിപ്പോര്ട്ട് വന്നത്.
ഇത് ഞങ്ങള് എല്ലാവര്ക്കും ബാധകമാണ്. ഇത്തരം കാര്യങ്ങള് പാര്ട്ടിയില് പറയും. മാധ്യമങ്ങളോടു പറയില്ലെന്നും അദ്ദേഹം പറഞ്ഞു. പാര്ട്ടിയുടെ കേന്ദ്ര-സംസ്ഥാന നേതൃത്വങ്ങള് തീരുമാനിച്ചതിന്റെ അടിസ്ഥാനത്തിലാണു നവകേരളയാത്ര നടത്താന് തീരുമാനിച്ചത്. എല്ലാവരും പങ്കാളികളായാണു തീരുമാനമെടുത്തത്. നിയമസഭാ തെരഞ്ഞെടുപ്പിനു മുന്നോടിയായി നടന്ന മാര്ച്ചിനേക്കാള് കൂടുതല് ആളുകള് നവകേരള യാത്രയില് പങ്കെടുത്തിട്ടുണ്ടെന്ന് അദ്ദേഹം പറഞ്ഞു. ആളില്ലെന്നു പ്രചരിപ്പിക്കുന്നവര് ഞങ്ങളോട് ഒന്നു പറയണം; എത്രയാളുകളെയാണു കൊണ്ടുവരേണ്ടതെന്ന്. ലാവ്ലിന് കേസില് ഹൈക്കോടതി നോട്ടീസ് അയച്ചതിനെക്കുറിച്ചു ചോദിച്ചപ്പോള് അതു കോടതിക്കു മുമ്പില് പറയാമെന്നു പിണറായി പറഞ്ഞു.
No comments:
Post a Comment