ലാവ്ലിന് കേസില് പിണറായിയെ കുരുക്കാന് നീക്കം : കോടിയേരി
തിരുവനന്തപുരം: ലാവ്ലിന് കേസില് സി.പി.എം. സംസ്ഥാന സെക്രട്ടറി പിണറായി വിജയനെ കുരുക്കാന് നീക്കം നടക്കുന്നതായി ആഭ്യന്തര മന്ത്രിയും സി.പി.എം. പോളിറ്റ് ബ്യൂറോ അംഗവുമായ കോടിയേരി ബാലകൃഷ്ണന്. 'ഇത് സി.പി.എം. പിന്തുണ പിന്വലിച്ചതിനുള്ള പ്രതികാര നടപടിയാണ്. മായാവതിയുടെ നേരെയും ഇത്തരം നീക്കമുണ്ടായിട്ടുണ്ട്' - കോടിയേരി പറഞ്ഞു . നവകേരള മാര്ച്ചിനോട് അനുബന്ധിച്ച് എ.കെ.ജി. സെന്ററില് ചേര്ന്ന സംഘാടക സമിതി യോഗത്തിലാണ് കോടിയേരിയുടെ പരാമര്ശങ്ങള്. ലാവ്ലിന് കേസില് ഒരു മുന്മന്ത്രി ഉള്പ്പെട്ടതായി സി.ബി.ഐ. കോടതിയെ അറിയിച്ചിരുന്നു. എന്നാല് പിണറായിയുടെ പേര് സി.ബി.ഐ. പുറത്തുവിട്ടിരുന്നില്ല. ഇക്കാര്യത്തില് പ്രതിപക്ഷവും കാര്യമായ പ്രതികരണം നടത്തിയിരുന്നില്ല. മാധ്യമങ്ങളും അദ്ദേഹത്തിന്റെ പേര് പറഞ്ഞിരുന്നില്ല. ഈ സാഹചര്യത്തിലാണ് കോടിയേരിയുടെ പരാമര്ശങ്ങളെന്നത് ശ്രദ്ധേയം.
No comments:
Post a Comment